دي حاجة انا نسيت اعملها اللي حصل ان و احنا مستنيين في النقطة البشوات ياخدوا اذن يعملولنا محضر اثبات حالة وائل اتصل بالنجدة علشان يبلغهم ان النقطة مش عايزة تعملنا محضر بعد ما طلبنا نعمل المحضر بساعة كاملة و طبعا بعد المزيكا الظريفة ردوا عليه و بعد كده حلقوا و ماجوش ده زائد ان دي ماكنتشي اول مرة يكلمهم دي كانت المرة الرابعة اليوم ده علشان كده قلتله نسجل المكالمة دي كمان وادي التسجيل اهوه بتاريخ 30 يونيه 2009 الساعة 5:32 مساءا يعني بعد ساعة من دخولنا النقطة
عقبال ما اللول يكتب عن اللي حصله في المطار هاحكيلكوم على الجزئ الاخير في اليوم اللي ممكن يكون اللول مسقط فيه و كان بيتكلم بقوة دفع العصير اللي جبتهوله و محاسبنيش عليه (منك لله ..مادنتيش شفطة حتى) هيهيه و هو جزء لما رحنا النقطة بتاعة المطار علشان نعمل محضر اثبات حالة للي حصل في المطار طبعا بعد ما (حاظابط)سمع اللي حصل لوائل قالنا ثواني و قام يرغي في التليفونات و يبلغ الباشا ده و الباشا داكهوت قام ايه قالنا احنا مستنيين الباشا بش يجي علشان نعمل محضر و قعد يضيع في الكلام و يهزر واحنا كانت روحنا في مناخينا بعد اليوم الطويل ده كنا صحيح انا و مروة المحامية في الشبكة العربية و رباب المحامية من مكتب د\ايمن نور و شاهيناز عبد السلام و وليد اخو وائل الموجودين و كان معانا كمان قبليها شريف عازر من المنظمة المصرية و سارة كار من الدايلي نيوز المهم الباشا جه و هو سيادة اللواء اسماعيل زي ما عرفنا بنفسه و هو شخصية ظريفة قعد يرغي كتير برضه و قال ايه عامل نفسه بيمر بس قام لقانا قاعدين فجه يشوف فيه ايه المهم قعد يفسرلنا كل اللي حصل لوائل على انه تصرفات عادية و يحاول يقنع وائل انه مايعملش محضر بس كلنا صممنا ان المحضر يتكتب و اول ما بداء المحضر كان بيحاول هو و الظابط يملوا الامين يكتب ايه و ده اللي اعترضنا عليه في تدخل اي حد فيهم و خليناه يكتب محضر جديد لما وائل كان بيمليه اللي حصله قام سيادة اللواء اعترض على كلمة احتجازه بالمطار و قال انه ماكنشي احتجاز و ضيعلنا يجي نص ساعة يشرحلنا ازاي انه مش احتجاز بس برضه صممنا اننا نكتب الكلمة دي عملنا محضر على مزاجنا زي الفل والاحسن كمان ان العصفورة صورت كل ده علشان المحضر مايتقطعشي و يقولوا مافيش حاجة اتعملت وادي الصور
كله اهوه علشان ماحدش يفتي فيها المشكلة الوحيدة في الصور دي انها ماظهرتشي العصير اللي انا جبته عليه العوض
احمد محمد عبد المنعم 23 سنة حاصل على شهادة الاعدادية له اخين و 3 اخوات يعيش مع امه و عائلته ف غرفة 3 في 4 متر عنوانه شارع 9 من شارع القاهرة في عزبة رستم تابع لقسم شبرا ثاني يعمل في مصنع ملابس من 8 صباحا ل 5 مساء من 6 مساء حتى (الله اعلم) يقف بدلا من والده في محل الفاكهة **************************** من سنتين كده حصلت خناقة بين مجموعة من المسيحيين و المسلمين قدام محل الفاكهة قام ادخل علشان يحوش بين الناس فالقسم راح يجيبه قامت المباحث هاجمه على بيتهم قصدي (الاوضة ) اللي عايشين فيه واكسروا الباب و دخلوا على البنات و هي نايمة.. العادي بتاعهم يعني لما مالقيوش احمد خدوا ابوه و امه قامت العيلة بتاعتهم في الصعيد لما عرفوا نزلوا القاهرة و قدموا شكاوي و كده فا ابوه و امه طلعوا و هو طبعا كان سلم نفسه *************************** محمد المليجي مخبر المنطقة يلعب دور خالد صالح في فيلم هي فوضى من فرض اتوات و عافية على خلق الله قال لأحمد انا مش هاسيبك هاتشتغل مرشد على تجار المخدرات قام احمد رفض فا ازاي احمد يرفض امر الاله المليجي زن على دماغه اكتر من مرة و احمد يرفض **************************** البوكس يقف فجاءة قدام محل الفاكهة بحضور معاون المياحث اشرف علاء يتم القبض على احمد بالضرب و السحل و الاهانات يتاخد على القسم كان معاه 1500 جنيه تمن بضاعة الفاكهة تم تحريز 400 جنيه منهم فقط واضربوا على الباقي احمد اتعلق على الفلكة فضل يضرب لحد ما ضوافره اتخلعت قام حطوله ميه على الارض و خلوه يجري عليها علشان يضيعوا اثار الضرب قام احمد راح في غيبوبة من كتر الالم رموه في الحجز لحد ما فاق ها يبني:هتشتغل مرشد؟ احمد يرفض تاني طب يا معلم انت متحول النيابة و لو فتحت بقك هناك عارف هايحصلك ايه **************************** تم تحويل احمد للنيابة بحرز ال400 جنيه و كمان 13 تذكرة بودرة النيابة ادتله 4 ايام و بعديها 15 يوم كل يوم يدخلوا يضربوا الحجز كله اكله كان عبارة عن رغيف و قرصين طعمية و بيضة طول المدة دي قاضي التحقيقات خرجه بغرامة 500 جنيه *************************** احمد دلوقتي خايف و مش عارف يعمل ايه مع تهديدات كلاب القسم كل يوم مستخسرين عليه يعيش نضيف حاولوا تفضحوا معايا الكلاب دي و تساعدوا احمد يعيش نضيف و دي صور المحضر اللي احمد قدمه ضد كلاب القسم ياريت نعمل شغل اعلامي كويس
هدوء قاتل يسود الشارع المصري الان لا اعرف سببا له . فقد قلت موجة المظاهرات و الاحتجاجات و الاعتصامات بصورة غريبة و ان لم تخلوا الساحة من عدت اضرابات في طنطا و السويس .
و لكن اللافت للنظر ان الحكومة بقمعها الشديد هذه الايام لأي فكرة جديدة تدعوا للتحرك لمواجهة الظلم الذي نعيش فيه و و ايضا قانون الكوتة الذي اقر في مجلس الشعب في لمح البصر متعديا على قوانين اخرى مهمة اجلت للدورة القادمة, و الاحساس بالأختفاء التام للمعارضة المصرية و اشاعات حل مجلس الشعب نمى لدى الجميع بأن خطت التوريث انطلقت لأخذ اول خطواتها الفعلية على ارض الواقع.
فالملاحظ هو ظهور جمال مبارك بكثرة على الصحف و في الاخبار مع قانون الكوتة الجديد الذي ان صحت التخمينات بأنه سيتم حل مجلس الشعب و الدعوى لإنتخابت عامة سيقصي التزوير فيها الذي سيكون (على عينك يا تاجر)هذه المرة بكل المعارضة و خصوصا الاخوان من المجلس ليحل مكانهم سيدات الوطني الذي تشدق فجاءة بالدفاع عن حقوقهم الدستورية في قانون الكوتة مع انه لم يرشح منهم احد من قبل في اي انتخابات خاضها الى تمرير التوريث ( غصبا عن عين الطخين ).
حيث سيقول المجلس الذي سيكون 100% منه من الوطني ( امين ) و عاش الزعيم و يحيا الزعيم . و لن تجد معارضة من اي دولة غربية من الدول التي تملئ الدنيا صراخا بالحريات و حقوق الانسان و الديموقراطية مادام الزعيم اتى تحت (مباركتهم) سينفذ تعليماتهم و سيبقى على حبل الود مع اسرائيل و سيحضن و يقبل اي من دبلوماسيها اذا زار القاهرة مهما كانت سمعته كقاتل او سفاح لشعب دولة شقيقة و على حدودنا يرتبط بها شعبنا روحيا و دينيا و احيانا ترتبط دمائه بدماء ابناء هذه الدولة.
و مادام سيظل يمد اسرائيل بالغاز بأسعار ارخص مما يحصل عليها المصريين انفسهم في الوقت الذي لا يجد فيه اغلب الشعب المصري الغاز في الشتاء حيث تظهر كل عام ازمته في نفس الوقت من العام بدون ايجاد حلول بديلة.
لن تتحدث هذه الدول عن الديموقراطية و اعتقال الاف المواطنين من المعارضين و من الاخوان و حتى المواطنين ( اللي مالهمشي ) في حاجة مادام سيسمع كلام اسرائيل و يحاصر شعبه الشقيق في غزة حتى تمسحه اسرائيل من على وجه الارض.
ستتغاضى هذه الدول عن التوريث حتى و مازالت مصر (سلة الغلال) سابقا لا يجد شعبها رغيف الخبز ما دام وريث العزبة سيفتح ممراته المائية و الجوية لضرب اي دولة شقيقة او تدميرها كما فعل والده.
ستخرج علينا هذه الدول بتأيدها للسلطان الجديد حيث انه سيكون خير اختيار ديموقراطي لشعب يدعم الاستقرار في المنطقة.
و لأني اعرف ان حكامنا و الدول التي تبحث عن مصالحها فقط - و هو ليس عيبا فيها فاياليت حكامنا يبحثون عن مصالحنا كما يفعل حكامهم - فأنا اتساءل فقط اين شعبي ؟
لما هو نائم بهذه الصورة ؟
لماذا لم يتحرك حتى الان؟
الم ينقض حكامنا الاتفاق الغير المعلن بيننا و بينهم ان يوفروا لنا رغيف العيش و ان نسكت عن كنزهم لأموال و ثروات بلادنا . حيث اصبحنا لا نجد ر غيف ااخبز فماذا يعطلنا عن التحرك و الاخذ بزمام الامور لأول مرة منذ204 سنة منذ اخترنا محمد على؟
الا متى سنظل هكذا؟ لماذا نظل نشيد فقط بما يحدث في ايران الان من مظاهرات احتجاجا على نتائج انتخاباتها ولا نفكر في التحرك مثل هؤلاء البشر ؟
هي اسئلة ستظل في رأسي حتى اجد من يجيني عنها او يجيب الشارع عنها
ده ايهاب مجدي فاروق من امبابة ايهاب يا جماعة شاب كان عنده 18 سنة لما اتصورلوا الفيديو ده الفيديو ده امين الشرطة خد فيه سنة و الظابط طلع منها في شهر 12 اللي فات بتحريض من الامين احمد الورداني لمأمور القسم وائل الجابري تم تلفيق قضية لإيهاب قال ايه مسكوه ب 18 تذكرة هرويين و بعد ما اتقطع في القسم حولوه للنيابة اللي ادتله 4 ايام و بعديها حوله للقسم اللي اتخلص منه و حوله لسجن القطا ايهاب فضل مسجون هناك 3 اشهر ضاعوا من عمره علشان البهوات ينتقموا من اللي حبس زميلهم و في القضية خد براءه و خرج في شهر 2 اللي فات ده بعد ما اهله اشتكوا لوزير الداخلية و النائب العام اللي ماعملوش حاجة مش يسيبوه بقى.. لأ ... ازاي جاتلهم خبرية ان ابوه باع اللي وراه واللي قدامه و ادى الفلوس لإيهاب علشان يعمل بها اي شغل ايهاب طبعا كان عامل شنط حريمي و ساب الشغل لما اتقبض عليه قوم ايه ولاد ستين كلب في يوم 13 مايو اللي فات ده يلفقولوا قضية تاني و راحوا بيته لقوا 9 الاف جنيه اللي ابوه كان ادهاله قاموا ضربوا على 4 الاف جنيه و حرزولوه 5 الاف الباقين في قضية اتجار حشيش و حولوه للنيابة اللي ادتلوا 4 ايام و بعديها قاضي المعارضات طلعوا بكفالة 500 جنيه لأنها قضية متلفقة كل ده و ماشيييييييييييي يجي القرار بإفراج عنه من سرايا القسم يروح القسم الساعة 12 الضهر مايخرجش منه الا الساعة 9 بليل اهله لقوه خارج مش بيتكلم ولا عارف يتنفس و جسمه متقطع وده مستشفى العجوزة رفضوا استقباله القصر العيني قبله التشخيص كسر بالفك الاسفل اشتباه ارتجاج بالمخ كدمات بسائر الجسد القفص الصدري عنده مدمر تماما لدرجة انه اجلوا عمل العملية لنه لو خد بنج ممكن يموت بعديها يوم التلات اللي فات اتعملتلوا العملية و ركب شرائح و مسامير في الفك و طبعا عمل تقارير طبية بكده و قال انهم ضربوه على وشه بضهر الطبنجة علشان كده فكه اتكسر غير الشوم اللي اضرب بيها على كل حته في جسمه عايزين بقى نجيب حق الولد ده و الكلاب بتاعت الداخلية دي تتحبس و يطلع مايتين اهلها و تترفد من الخدمة لأن العالم دي اتجنت خلاص و مبقاش هممها اي حد و بيخافوا مايختشوش لازم كل الناس تفضحهم و هما نفسهم قاولوا ادي اخرت الكلام على النت و في الجرايد انا عايزهم يعرفوا اخرت الكلام على النت و الجرايد ان الناس يرجعلها حقها و الفاسدين في الشرطة قصدي شرطة الفساد دي لازم تتربى و الناس تتردلها كرامتها و تعرف مين اللي مبوظ البلد واعتبروا ده بلاغ رسمي مني و كل الورق موجود **************** شكرا للصحفي كمال مراد
الطفل مات..البقاء لله ويصبر ابوه وامه بس انا عايز افهم ليه معمول في الدولة حداد ل 3 ايام الطفل ده صفته ايه؟ بلاش صفته..اغلى من ولاد ناس تانية في ايه؟ ليه ماتعملهمش حداد رسمي زي ما تعمله 1300 واحد في عبارة ميتين مقتولين هما مش لهيم اهالي زعلوا عليهم 1000 واحد في قطر هما مش ليهم اهالي قلبهم اتحرق عليهم كل يوم 100 واحد بيغرقوا وهم بيهاجروا مقطوعين من شجرة اللي بيتقتلوا كل يوم في امن الدولة ملهمش تمن اللي اتحرقوا في المسرح واللي بيموتوا على الطرق البايظة واللي بيتسموا من الاكل و الشرب و الهوا كل دول مالهمش لازمة كل دول اللي ماتوا في عهدك يا مبارك حتى في الموت واخد ليك امتيازات فيه قلبك اتحرق ولا لسه ماحستش حسيت بقلب كام ام واب قلبهم اتقطع مليون حته على ضناهم اللي قدام ربنا و القانون و قدام كل حاجة انت المسؤول عن موتهم يا رييت يكون ليك في الموت عبرة
هو احنا بقى مش هانخلص من غسل الدماغ و القرف ده بقى هو هايفضلوا يتعاملوا معانا كائننا عيال صغيرة لإمتى ايه القرف ده يعني ايه الحكومة تطلع قرار العلاوة 5 % و يقلولنا ده اكتر حاجة يقدروا يعملوها و الدنيا تقوم و تقعد و الناس تشتكي و الوزارا يطلعوا يقوللنا لو يا جماعة زودناها ده هايأثر على الخدمات اللي بنقدمها للمواطنين!!! خدمات ايه؟ على اساس اننا عايشين في دولة بتقدم خدمات للناس مقابل الضرائب و كده ولا ايه؟ المهم بقى ان فجاءة نلاقي السوبر مان يطلع يؤمر الحكومة انها ترفع العلاوة ل 10% للناس حتى يصبح هو المنقذ الحقيقي للمواطن اللي مايعرفش اصلا يعني ايه كلمة دخل مش محدود الدخل و الجرايد اياها تهلل لسوبرمان على انتصاره على الحكومة الظالمة للشعب و سوبر مان يبقى هو البطل الحقيقي و فجاءة يبقى فيه امكانية اننا نرفع العلاوة من الميزانية و ماحدش زعل و لا فكر يقول لسوبرمان انت ترفعها على اساس ايه ياسطى و ازاي تؤمر كده و خلاص و الناس تخبط دمغها في الحيطة و محدش طلع يقولنا الحكومة هاتدبر الكلام ده منين و هي اول امبارح ماكنتش موافقة و فجاءة ينفع مجلس الشعب يحولها (للمناقشة) و يتوافق عليها و مركز المحاسبات يعدل المرتبات قبل ( المناقشة) و كله في التمام حاجة قليلة الادب جدا و ريحيتها فايحة هو احنا عيال صغيرة و مخاخنا هبلة للدرجة دي اي كلام في ط** علام و خلاص شغالين خراب في الاقتصاد و محدش فيهم بيفهم صارفين فلوس البلد على نفسهم و مش لاقين ناكل و الزفت يطلع يقولك عايز فلوس زيادة علشان ااكل عساكري و ضباطي و هما بيضربوا الناس في الشارع الناس اللي بتعترض على وجوده عايز من فلوسهم زيادة علشان يضربهم بيها و الناس بدل ما فلوسها تتصرف عليهم على علاجهم على تعليمهم على بنا بلادهم بناخد منهم فلوس علشان يضربوا بيها مما يرجعني لكلمتي اللي بقالى فترة ماقلتهاش و اقول احه فعلان
وجود ناس في حياتك دي حاجة كويسة وجود ناس مهمة في حياتك دي حاجة اهم وجود ناس ممكن تبيعك علشان ال(0) في حياتك دي اهم و اهم عاشان من غير الناس دي مش هاتعرف الناس اللي بتحبك و بما انك انسان في بتتفاعل مع ناس تانية كل يوم هتقابل الناس دي اللي عايزة منك ال (0) و اول ما تاخده منك هاتختفي مش هاتلاقيها كل مابدأها و نظريتها هاتتغير اصل (0) اهم من اي حاجة او هم بيعتنقوا الافكار و النظريات دي علشان يبقى سبب لوصولهم السهل لل (0) من غير تعب او يحوروا افكارهم و نظرياتهم علشان ال (0) الحلو مما يجعلني احمد ربنا على وجود (0) في حياتنا اصل من غيروا مكناش عرفنا مين كده؟ و مين كده؟ بس مين فينا اللي عمره ما حب (0) بقىىىىىىىىى؟؟ مافيش ********** (0) = افهمه زي مانت عايز
كتبه : محمد يسري مرشد , فى السبت 16, مايو 2009 , 14:25
كل عام وأنتم بخير ، كل عام وكل أهلاوى بخير فاليوم السبت 16/5/2009 يوافق الذكرى السابعة للمباراة التاريخية بين الأهلى والزمالك والتى اقيمت 16/5/2002 و إنتهت بهزيمة مذلة للفريق الأبيض بستة أهداف مقابل هدف واحد أو باللغة العامية إنتهت بنصف دستة " مشّكلة " فى مباراة قاد الأهلى فيها الساحر الأسطورى مانويل جوزيه .
حدث فى مثل هذا اليوم :
المباراة : الزمالك × الأهلى " القمة رقم 89 "
الموسم : 2001/2002 " الدور الثانى "
الأسبوع : الـ 22
التاريخ : 16/5/2002 الساعة الثامنة والنصف مساءاً
المكان : أستاد القاهرة
النتيجة : 1\6
المدير الفنى للأهلى : مانويل جوزيه " البرتغال "
المدير الفنى للزمالك : أتوفيستر " ألمانيا "
الحكم : الايطالي كوزيمو بلاجينينو
الأهداف : رضا شحاتة فى الدقيقة ( 5 ) وإبراهيم سعيد فى الدقيقة (19) خالد بيبو 4 أهداف فى الدقيقة ( 29 ) و ( 64 ) و ( 72 ) و (90 ) بينما احرز حسام حسن هدف الزمالك اليتيم فى الدقيقة( 25 )
تشكيل الأهلي :
عصام الحضري, وائل جمعة, هادي خشبة, شادي محمد, حسام غالي, ابراهيم سعيد,جيلبرتو ، سيد عبد الحفيظ ، رضا شحاته , خالد بيبو, أحمد بلال.
وشارك الثلاثى البدلاء " محمد عمارة " و "محمد فاروق " و " وليد صلاح الدين " .
تشكيل الزمالك :
محمد عبد المنصف, رضاسيكا , بشير التابعي , ابراهيم حسن, طارق السيد, تامر عبد الحميد, محمد أبو العلا, حازم امام, محمد عبد الواحد ، جمال حمزة , حسام حسن.
وشارك البدلاء " وليد صلاح عبد اللطيف " و " مدحت عبد الهادى " و " عبد الحليم علي " .
بيبو وبشير :
هو أشهر هتاف كروى فى مصر صنعه المذيع اللامع " مدحت شلبى " الذى علق على مباراة الفريقين فى التيلفزيون المصرى وهى اللعبة التى راوغ فيها بيبو " الجبار " بشير " المسكين " واحرز الهدف الرابع الذى أجهز على أمال الزمالكوية فى تعديل النتيجة .
شاهد عيان :
وعقب مرور 7 سنوات على الفوز التاريخى الذى حققه الأهلى لم يتبقى عدد كبير من اللاعبين الذين شاركوا فى المباراة والمستمرين مع الأهلى والزمالك حتى الموسم الجارى وابرز المستمرين مع الفريقين هم :
لاعبى الأهلى الحاليين الذين شاركوا فى مباراة الستة :
وائل جمعة – شادى محمد – جيلبرتو – أحمد بلال والثنائى الأخير كانت أول مباراة قمة يشاركوا فيها هى مباراة الستة.
لاعبى الزمالك الحاليين الذين شاركوا فى مباراة الستة :
عبد الحيلم علي – جمال حمزة – محمد أبو العلا – محمد عبد المنصف والطريف أن الأخير كانت مباراة الستة هى أول مباراة قمة يلعبها .
أبطال مباراة الستة أين هم الأن؟!
خالد بيبو : بدأ العمل الإعلامى عقب اعتزاله الكرة فى نادى بتروجيت واللاعب يقدم برنامج " أهلاوى " على قناة " مودرن سبورت 2 " .
بشير التابعى : اختفى فى ظروف غامضة !
إبراهيم سعيد :" فى البيت " ويتضرع إلى الله لكى يفوز السيد مرتضى منصور فى إنتخابات الزمالك حتى يعود إلى كرة القدم من جديد .
جمال حمزة :" فى البيت " ويتضرع إلى الله لكى لا يفوز السيد مرتضى منصور فى إنتخابات الزمالك حتى يعود إلى كرة القدم من جديد مع السيد ممدوح عباس .
رضا شحاتة : يلعب فى فريق " الجونة " الصاعد حديثاً إلى الدورى الممتاز .
حسام حسن: المدير الفنى لفريق المصرية للإتصالات المهدد بالهبوط إلى دورى الدرجة الثانية هذا الموسم .
إبراهيم حسن : مدير الكرة لفريق المصرية للإتصالات من المدرجات .
خالد الغندور :مقدم برنامج " الرياضة اليوم " ومازالت ذكريات مباراة الستة تطارده فى برنامجه غم أنه لم يشارك فى المباراة وتابعها من على دكة البدلاء.
رضا سيكا : رأيته مرة على قناة النيل الإخبارية يؤكد أن هزيمة الستة كانت مؤامرة من لاعبى الزمالك .
أتوفيستر : مازال يتحدى الطبيعة فى أفريقيا
أحمد رمزى: ساعة يروح وساعة يجى
مانويل جوزيه : عقب مواسم إعجازية وبطولات وإنجازات قرر الرحيل عن الأهلى لتدريب المنتخب الأنجولى .
أعربت الشبكة العربية لمعلومات حقوق الإنسان عن استنكارها الشديد لاستمرار نهج القضايا الملفقة الذي تمارسها أجهزة أمن الدولة ، خاصة في محافظة الفيوم ، والتي وصلت لحد تأليف اتهامات جديدة للمدونين ، كان أخرها اتهام المدون المعروف أحمد محسن صاحب مدونة "فتح عينك - http://eyestillopen.blogspot.com " بـ " استخدام المناخ الديمقراطي السائد في البلاد لقلب النظام".
وكانت قوات أمن الدولة قد اقتحمت منزل المدون أحمد محسن في مدينة الفيوم يوم 23 أبريل الماضي 2009 ، وتفتيشه ، ورغم أنهم فوجئوا بأن المدون قد انتقل للعمل في محافظة أخرى "المنيا" منذ اشهر ولا علاقة له بمدينة الفيوم ، إلا أن الضابط " عمرو الحميلي" لم يشأ أن يظهر بمظهر الضابط الفاشل وصاحب المعلومات والتحريات الكاذبة أمام رؤسائه ، قام بالاتصال بالمدون تليفونيا ، وطلب منه الحضور للفيوم " أو أنهم سيحضرونه من المنيا" فقام المدون بالسفر إلى مدينة الفيوم واتجه مباشرة لتسليم نفسه لنيابة الفيوم ، ليفاجئ بأنه متهم بـ:
استخدام المناخ الديمقراطي السائد في البلاد لقلب النظام
التحريض على قلب نظام الحكم.
ويتم حبسه في 29ابريل 2009 ، لمدة خمسة عشر يوما على ذمة التحقيق في القضية ( 4185 أمن دولة).
وقالت الشبكة العربية لمعلومات حقوق الإنسان " أن يكذب ضابط أمن الدولة فهذا أمر عادي ، لكن أن تصدق النيابة العامة هذه الكذبة وتوافق على حبس مدون شاب لأنه أستغل المناخ الديمقراطي ، فهذه كوميديا سوداء ، أي ديمقراطية تلك التي أستغلها هذا الشاب ؟ ".
وتكتمل فصول القضية الملفقة والتي لا يمكن أن يصدقها عقل ، بأن هذه القضية ليس بها سوى متهم واحد هو هذا المدون ، وكأننا نتحدث عن سوبرمان ، خطط وقرر قلب نظام الحكم عبر مدونته ، رغم وجوده في مدينة أخرى منذ أشهر عديدة ، وكأنه سيغير نظام الحكم بالريموت كونترول!.
وأضافت الشبكة العربية " نحن وعبر هذا البيان الإعلامي نخطر وزير الداخلية أن ضابط أمن الدولة التابع لك – عمرو الحميلي- كذب عليكم ولفق محضر تحرياته ضد المدون الشاب الذي لم يكن له أي علاقة بمدينة الفيوم لمدة شهور مضت، فهل سيعاقب وزير الداخلية هذا الضابط الملفق ، أم سيغض الطرف عنه ويسكت على سجن شاب برئ؟".
.jpg)
